Qytaıda koronavırýs juqtyrǵandar sany 75 936 adamǵa jetken, onyń 2442-i qaıtys bolǵan. Bul týraly Qytaıdyń memlekettik densaýlyq komıteti habarlady.

"Memlekettik densaýlyq saqtaý komıtetine 31 provınsıadan (aýdandardan, ortalyq baǵynystaǵy qalalardan) 76936 adamnyń jańa koronavırýs túrin juqtyrǵany týraly aqparat kelip tústi. Onyń ishinde qazirgi ýaqytta 51 606 adam naýqastanyp jatyr, al 10688-y aýyr halde. Aýrýhanadan shyǵarylǵan naýqastar sany – 22 888,  2442 adam qaıtys bolǵan" delingen habarlamada. 

Sońǵy táýlikte el aýmaǵynda 648-ge jýyq jańa juqtyrý oqıǵasy tirkelse, onyń 2230-y aýrýhanadan jazylyp shyqqan, al qaıtys bolǵandar sany – 97.

Qazirgi ýaqytta aýrýdy juqtyrdy degen kúdikpen 4,1 myń adam qatań tekserilip jatyr. Ázirge tirkelgen naýqastar sany 106 myńnan asty, olar medısınalyq baqylaýda.