Italıada koronavırýs juqtyrǵannan keıin qaıtys bolǵan alǵashqy adam tirkeldi. Bul týraly Rıa habarlaıdy. 

Jergilikti BAQ málimetteri boıynsha, Veneto oblysynda 78 jastaǵy er adam vırýstan kóz jumdy. Onymen birge 67 jastaǵy jubaıy da aýrýhanaǵa tústi. Sońǵy ýaqytqa deıin olardan koronavırýs tabylmaǵan, alaıda keıin Veneto prezıdenti Lýka Dzaııa saraptama nátıjesi vırýsty anyqtaǵanyn habarlaǵan. 

Bul Eýropadaǵy ekinshi oqıǵa. Buǵan deıin Fransıada qańtardyń ortasynda Hýbeı provınsıasynan kelgen 80 jastaǵy qytaılyq týrıs koronavırýstan kóz jumǵan.

21 aqpanda Italıanyń soltústiginde koronavırýs juqtyrǵandar anyqtalǵan. Lombardıada olardyń sany 15-ke jetti jáne jaqyn ýaqytta taǵy úsheýi aýrýhanaǵa túsken. 

Vedomstvonyń málimetinshe, Italıada vırýsty juqtyrǵandardyń jalpy sany 220 adamnan asty. Qazirgi ýaqytta Italıa koronavırýsty juqtyrý boıynsha álemde Qytaı men Ońtústik Koreıadan keıin 3-orynda.

Italıa bıligi bul ınfeksıanyń qaıdan shyqqanyn áli bilmeıdi. Jaqynda Qytaıǵa baryp, Italıada «nóldik pasıent» bolyp sanalǵan er adamnyń mysaldary teris nátıje berdi.

Sońǵy derekterge súıensek, Iranda 61 adam vırýsty juqtyrdy degen kúdikte tur, onyń 12-si qaıtys boldy. Al, Ońtústik Koreıada 803 adam vırýs juqtyryp, 7 adam ınfeksıanyń qurbany bolǵany málimdeldi.