Densaýlyq saqtaý mınıstrligi Tokıodan kelgen jolaýshylardan karantın úshin keshirim surady.

"QR Densaýlyq saqtaý mınıstrligi 2020 jyly 24 aqpanda Tokıodan (Japonıa) Skat áýekompanıasynyń ushaǵymen kelgen jolaýshylardy 14 kúnge karantınge jibergen qolaısyzdyǵy úshin keshirim suraıdy. Shuǵyl sanıtarlyq-karantındik sharalardyń negizgi maqsaty – azamattardyń densaýlyǵyna qaýip tóndiretin koronavırýstyq ınfeksıanyń órshýimen baılanysty qaýipsizdikti qamtamasyz etý. Sheshim jan-jaqty qarastyrylǵan barlyq sharttarmen jáne qatań merzimdermen bir ýaqytta qabyldanǵanyn atap ótý kerek. Qazirgi ýaqytta bul ushaqtaǵy barlyq jolaýshylar men ekıpajdar Nur-Sultannan 7 shaqyrymda ornalasqan medısınalyq mekemede dárigerlerdiń táýlik boıy baqylaýynda bolady. Olardan analız alynyp, onyń synamalary taldaný úshin Almaty qalasyndaǵy Aıqymbaev atyndaǵy asa qaýipti juqpaly ınfeksıalar ulttyq ǵylymı ortalyǵyna jiberildi. Karantınge alynǵandardyń jaǵdaıy qanaǵattanarlyq deńgeıde" delingen Densaýlyq saqtaý mınıstrliginiń facebook paraqshasyna jarıalaǵan habarlamasynda. 

Mınıstr karantınge jatqyzylǵandardyń vırýs juqtyrmaǵanyn aıtty.

"Karantınge jatqyzylǵan adamdar aýrý adamdar emes! Japonıadan, Ońtústik Koreıadan, Gonkongtan, Irannan, Italıadan kelgen jolaýshylarǵa 14 kúndik oqshaýlaý, úıde karantınde ustaý sekildi sharalar qarastyrylǵan. Bul sizdiń jaqyndaryńyzdyń múddesi úshin jasalýda!" dep jazdy Birtanov.