«Jigerli lıderler – qýatty partıa». Osylaısha Nur Otan halyqaralyq tájirıbege saı halyqpen jumys isteýdiń jańa tásilderin engizýde. Sonyń biri – ishki partıalyq saılaý, ıaǵnı praımerız,- dep habarlaıdy Qamshy.kz tilshisi.

Qazirgi ýaqytta Nur Otan basshylyǵy eldiń túkpir-túkpirin aralap, praımerız týraly túsindirý jumystaryn júrgizýde.

Apta basynan beri jetekshi partıa tóraǵasynyń birinshi orynbasary Baýyrjan Baıbek Shymkent, Túrkistan, Qyzylorda óńirlerinde jumys saparymen júr. Ol shalǵaıdaǵy birqatar eldi mekenderiniń turǵyndarymen kezdesip, kókeıkesti máselelerdi sol jerde talqylap, sheshimin birge qarastyrdy.

– Biz árbir óńirde sáýir-mamyr aılarynda praımerız ótkizemiz. Qazaqstan boıynsha 920 myń adamdy uıymdastyryp, halyqqa biz múmkindiginshe ózimizdiń saıasatymyzdy túsindirýimiz kerek,- dedi B. Baıbek.

Praımerızge kóptegen saıasattanýshy-sarapshylar qyzyǵýshylyq tanytyp otyr. Biraq qarapaıym turǵyndar ol týraly naqty bile bermeıdi.

Syr óńirinde júrgen Nur Otan hatshysy Arman Qyryqbaev ta óńirdiń qoǵamdyq keńes múshelerimen, túrli sala ókilderimen, zıaly qaýymymen, jastarmen kezdeskende bul jańalyq jaıly aıtyp berdi.
⠀
– Naqty aıtsaq, praımerız degen – saılaý aldyndaǵy ishki saılaý. Buıyrtsa, kóktemde búkil elde kádimgideı doda, debat, úgit-nasıhat jumysy bolady. Sýyrylyp shyqqan eń myqty, elge sózi ótetin bedeldiler partıa atynan úmitkerler tizimine ilinip, úlken saılaýǵa túsedi. Damyǵan demokratıalarda saıası partıalar osylaı aldyn-ala ishki «saılaý» ótkizip alýǵa tyrysady. Ol bir jaǵynan partıanyń óz ishindegi myqtylaryn irikteýge múmkindik berse, ekinshi jaǵynan, partıamen murattas, eldiń sózin sóıleıtin basqa da azamattardy qatarǵa tartýdyń quraly,- dedi Arman Qyryqbaev.

Onyń aıtýynsha, praımerız arqyly partıanyń kez kelgen múshesi jáne partıa qatarynda bolmasa da, eldik múdde jolynda onymen murattas barlyq azamattar, arnaıy ótinish berip, irikteýge qatysýǵa, jeńse tizimge ene alady.
Bul – kókeıdegi elge degen paıdaly oılarymdy qalaısha iske asyramyn dep júrgen belsendi jandarǵa jaqsy múmkindik bolmaq.

 

 

 

Posmotret etý pýblıkasıý v Instagram

 

 

Bizdiń partıanyń kúshi – ol jastar. Búgin Syr óńiriniń jastarymen kezdestim. Qyzylordanyń jas kóshbasshylary men jasotandyqtaryna Nur Otan-nyń alǵa qoıǵan maqsattary men qolǵa alǵan jumystary týraly aıtyp berdim. ⠀ «Nur Otan» – óziniń «Jas Otan» arnaıy jastar qanaty bar elimizdegi jalǵyz partıa. Júz myńdaǵan jasty biriktirgen uıymnyń barlyq óńirde fılıaly bar. ⠀ Qazir partıanyń jastar qanaty basshylary elimizdiń búkil óńirlerin aralaýda. Kezdesip qana qoımaı, naqty usynystary men problemalaryna erekshe den qoıýda. ⠀ Bir mıllıonnan astam stýdent jastardyń keshegi kúnge deıin sheshilmeı kele jatqan máselelerin udaıy kóterip, oń sheshilýine yqpal etýde. Máselen, osy jyldyń 1 tamyzyna deıin elimizdegi 66 jataqhana jóndeýden ótkiziledi. Bul jańalyqty jastar jaqsy qabyldady. ⠀ Syr jastarynyń belsendiligi unady. Ózderiniń kókeılerinde júrgen usynys-pikirleri men mazalaǵan máselelerin ashyq aıtyp otyrdy. ⠀ Máselen, jastardy baspanamen qamtý problemasyn, «Dıplommen aýylǵa» baǵdarlamasyna bólinetin qarjy kólemin ulǵaıtý kerektigin, aýyldardaǵy kásip ashamyn degen jastarǵa kedergilerdiń kóptigin tilge tıek etti. Bul máselelerdiń barlyǵy jastar qanatynyń «Jastar – Otanǵa» baǵdarlamasyn ázirleý barysynda mindetti túrde eskeriletinin jetkizdim. ⠀ Kezdesý sońynda jastar ózderiniń beıresmı sharasyna shaqyrdy. Baryp, tildesip, kókeıinde júrgen suraqtaryna jaýap berýge tyrystym. Qýantatyny – búgingi jastar erkin oıly, jańashyl ári batyl.

Pýblıkasıa ot Arman Qyryqbaev (@arman_kyrykbayev) 27 Fev 2020 v 3:33 PST