Memlekettik qyzmette 30 jyl qyzmet etken sheneýnik, jas sheneýnikterdi qylmys jasamaýǵa shaqyrdy. Bul týraly zakon.kz habarlady.

Semeı qalasynyń memlekettik qyzmet basshylary qaýipsizdigi joǵary kolonıaǵa baryp qaıtty. OV 156\14 qaýipsizdigi joǵary kolonıasy – aýyr qylmys jáne óte aýyr qylmys jasaǵan qyzmetkerler men sybaılas jemqorlyqqa qatysy bar memlekettik qyzmetkerler jazasyn óteıtin jalǵyz mekeme. 

Sheneýnikter sottalǵandardyń asqanasy, jatyn bólmesi jáne jumys oryndarynda bolyp, olarmen kezdesti. 

Tutqyndardyń biri, burynǵy sheneýnik qazirgi sheneýnik jastardy qylmys jasamaýǵa shaqyrdy. 

– Memlekettik qyzmette 30 jyl kóleminde laýazymdy qyzmetker jáne  advokat boldym. Keıin "bopsalaý" qylmystyq isi boıynsha 8 jylǵa bas bostandyǵymnan aıyryldym. Onyń 3 jylyn ótedim. Sizder etıkaǵa baǵyndyńyzdar, adal qyzmet etińizder. Sybaılas jemqorlyqqa barǵan joqsyzdar, túrmede otyrmadyńyzdar. Esterińizde bolsyn, jeńil aqshamen siz óz otbasyńyzdy, jaqyndaryńyzdy bir sátte-aq, jaman atty ete alasyzdar. Óz mansabyńyz ben jaqyndaryńyzdyń mansabyna qıyndyqsyz núkte qoıasyzdar, – dep óz jazasynyń 3 jylyn ótegen sheneýnik jas sheneýnikterge úndeý joldady. 

Qańtar aıynan bastap, sybaılas jemqorlyqqa qarsy kúres qyzmeti memlekettik qyzmetkerlerdiń sybaılas jemqorlyqqa barmaýy úshin respýblıka kóleminde birneshe ekskýrsıa ótkizgen.