Qazaqstandaǵy Qytaı elshiligi koronavırýspen kúreste Qytaı aldyńǵy shepte tur dep esepteıdi. Bul týraly elshilik Twitter-degi paraqshasynda jazdy. 

"Koronavırýspen kúreste Qytaı aldyńǵy shepte tur. Soqqynyń joıqynyn kórdi.  Sonysymen ol álem alpaýyttary men DDS uıymy sıaqty halyqaralyq uıymdardyń senimine ıe boldy. DDS uıymy ekspertiniń aıtýynsha, Qytaı álem úshin baǵaly ýaqytty utty. Álem Ýhan qalasynyń aldynda qaryzdar" delingen elshilik jazbasynda. 

Keıin ol ár nárseniń óz ýaqyty bar ekenin, vırýs erte me, kesh pe joǵalatynyn jazǵan.

Koronavırýs Ýhandaǵy teńiz ónimderi bazarynan taraǵan. Keıbir aqparat quraldarynyń jazýynsha, bazar qańtardyń 1-inde jabylǵanǵa deıin onda teńiz ónimderi ǵana emes, jarǵanat, taýyq, qoıan men jylan zańsyz saýdalanyp kelgen. Qańtardyń 22-si kúni "Medısınalyq vırýsologıa" jýrnalynda zertteý jarıalaǵan ǵalymdar "vırýstyń jylannan taraǵanyn" jazdy. Muny rastaıtyn ne joqqa shyǵaratyn zertteýler áli jarıalanbady.