QR SİM Saýd Arabıasynyń týrısik vıza berýdi toqtatýyna baılanysty túsinik berdi. Bul týraly syrtqy ister mınıstrligi habarlady.

QR Syrtqy ister mınıstrligi Taıaý, Orta Shyǵys jáne Afrıka departamentiniń dırektory Erjan Muqashpen kezdesý barysynda ekijaqty yntymaqtastyqtyń ózekti máseleleri, onyń ishinde Qazaqstan men Saýd Arabıasy arasyndaǵy saýda-ekonomıkalyq jáne mádenı-gýmanıtarlyq baılanystardy damytý máseleleri talqylandy.

Elshi Saýd Arabıasy bıliginiń birqatar elderdiń azamattary úshin elektrondyq týrısik vızalardy berýdi ýaqytsha toqtatý jónindegi taıaýdaǵy sheshimi týraly máselege túsinikteme berdi.

– A. Ál-Daýd ýmra jasaý úshin qajylyq vızalardy, sondaı-aq týrısik vızalardy berý búkil álem boıynsha koronavırýs indetiniń keń taralýyna baılanysty toqtatylǵanyn rastady. Bul shara ýaqytsha jáne Koróldikke keletin álemniń barlyq musylmandaryn qorǵaýǵa baǵyttalǵan. Sonymen qatar, ol vızanyń iskerlik jáne basqa da túrlerin berý toqtamaǵanyn jetkizdi, – dedi mınıstrliktiń baspasóz qyzmeti.

Saýd Elshisiniń aıtýynsha, azamattarǵa kirý toqtatylǵan memleketterdiń tizimi álemde koronavırýstyń taralýy boıynsha jaǵdaıdyń ózgerýine baılanysty jańartylyp turady. Sonymen qatar, bul tizimge Qazaqstanmen qatar Ortalyq Azıanyń basqa da elderi engizilgenin atap ótti.

Kezdesý qorytyndysy boıynsha taraptar koronavırýstyń taralýyna baılanysty óz elderindegi epıdemıologıalyq jaǵdaı boıynsha ózekti aqparatpen almasýǵa ýaǵdalasty.