Búgin Respýblıka saraıynda qala ákimdiginiń qoldaýymen onkologıa ınstıtýty balalar radıasıalyq terapıa bóliminiń pasıentterine arnap "Biz qýanysh syılaımyz" atty erekshe gala-konsert ótti.

Konsertke memlekettik bılik qurylymdary, Qazaqstannyń eńbek sińirgen óner qaıratkeri – Sáken Maıǵazıev, Bolat Kusaınov t.b,  bokstan olımpıada chempıony Ermahan Ibraımov, «Ledıbýg» jáne «Sevnısa» kóp balaly otbasylardan shyqqan balalar ansambli, «APRIL» qaıyrymdylyq qory jáne basqa da shyǵarmashylyq toptar belsene qatysty.

"Biz qýanysh syılaımyz" jobasynyń jetekshisi Kıra Ýdarsevanyń aıtýynsha, búgingi mereke onkologıalyq ınstıtýttyń jas pasıentterine arnalǵan.

– Qansha aıdan beri balalar tórt qabyrǵaǵa qarap ýaqyttaryn ótkizedi, sondyqtan da biz ár juma saıyn balapandarǵa fotosessıa jasap, syılyqtar beremiz. Bizdiń fotosessıaǵa kelgen árbir bala obrazdy ózderi tańdap, qandaı syılyq alǵysy keletinin, neni armandaıtynyn aıtady. Al biz olardyń tilegin oryndaýǵa tyrysamyz, – dedi Kıra Ýdarseva.

Respýblıka saraıyna balalardy premıým klastaǵy «Mercedes-Benz» kóligimen alyp keldi.

Joba jetekshisiniń aıtýynsha, qaıyrymdylyq konsetine qoldaý kórsetkender qatarynda tótenshe jaǵdaılar jáne polısıa departamenti, «Air Astana» avıakompanıasy, teatrlar, meıramhanalar jáne basqa da demeýshiler. Sondaı-aq, balalardyń barlyq tilekterin oryndaý úshin áleýmettik jeliler arqyly halyqtyń kómegine júginip, qajettilikterge qazaqstandyqtar dereý jaýap berip, kómekterin usynǵanyn atap ótti.