Almatydaǵy respýblıka alańynda polısıa "ruhsat etilmegen" mıtıńige shyqqandardy ustap jatyr.

Búgin, ıaǵnı 1 naýryz kúni Dempartıa qurý boıynsha yntaly top ókilderi, Respýblıka, Oyan, Qazaqstan qozǵalystary, sondaı-aq Qazaqstanda "ekstremıstik uıym" dep tanylǵan "Qazaqstannyń demokratıalyq tańdaýy" (QDT) qozǵalysy  beıbit mıtıńige shaǵytynyn habarlaǵan bolatyn.

Almatydaǵy respýblıka alańynda júrgen Qamshy tilshisi polısıa qyzmetkerleri men arnaıy jasaq ókilderi alańdy tolyqtaı qorshaýǵa alǵanyn, qalalyq ákimdik mańynda mobıldik ınternet múlde ustamaı turǵanyn habarlady.

"Respýblıka" alańynda polısıa ondaǵan adamdy ustady. Ustalǵan belsenbilerdiń keıbiri "Oıan, Qazaqstan", Shal ket" dep urandatyp jatyr. Keıbir azamattardyń qolynda tergeý ızolátorynda "júrek talmasynan qaıtys boldy" delingen qoǵam belsendisi Dýlat Aǵadildiń sýretteri boldy. 

Polısıa ustaǵandardyń arasynda jýrnalıs, "Dat" gazetter jobasynyń jetekshisi Ermurat Bapı de bar.

Nur-Sultan qalasyndaǵy mıtıń ótetin jer delingen orynda da ınternet ustamaı turǵany belgili boldy. Respýblıka qozǵalysynyń facebook-taǵy paraqshasynda alańda baılanys buǵattalýyna baılanysty habar taratý múmkindigi shekteýli ekeni habarlandy. Artynsha, belsendiler Bella Orynbetova, Aısultan Jaqypov, Muratbek Qaıyrjanulyn polısıa ustap alyp ketkenin málimdedi.

Sonymen qatar Oyan, Qazaqstan qozǵalysynyń facebook paraqshasynda birneshe belsendiniń ustalǵany týraly aqparat shyqty. Olardyń qatarynda Baýyrjan Sábıtov, Janel Shahanova, Oljas Shahanov, Ásem Jápisheva, Dildá Ramazan, Aızat Ábilseıt, Tamına Ospanova, Darhan Sháripov, Azıza Esmaǵambetova, Dana Sháripova, Erbolat Aıǵaq, Aına Samatova, Marjan Ýálıhan, Dıana Dúısembaeva, Symbat Omarqulova, Dına Baqraeva, Elmıra Qoıshybekova, Anastasıa Fılıppova syndy azamattar bar.

Buǵan deıin mıtıńige shyqpaq bolǵan Dempartıa yntaly tobynyń jetekshisi men onyń jaqtastaryna shabýyl jasalǵany habarlanǵan bolatyn. Shabýyl saldarynan Janbolat Mamaıdyń zaıyby Inga Imanbaı aýrýhanaǵa tústi.