Qazaqstandaǵy tirkelmegen saıası uıymdar mıtıń jarıalaǵan 1 naýryz kúni Almatyda ondaǵan adam ustaldy. Ustalǵandardyń arasynda opozısıalyq "Dat" gazetiniń jetekshisi Ermurat Bápı, táýelelsiz jýranalıst Baqytjan Qosbarmaqov, jýrnalıs Ásel Jańabaev, belsendi Besjan Kúmisbek pen Danaıa Qalıeva bar. 

"Mıtıń ótedi" degen Almatydaǵy "Respýblıka" alańy 1 naýryz kúni tolyǵymen polısıanyń qorshaýynda boldy. Alańǵa mańyndaǵy Jeltoqsan, Abaı, Sátbaev, Tımırázev, Abylaı han, Nazarbaev kósheleriniń boıynda polısıa alańǵa barmaq bolǵan azamattardy jibermeı turdy.

Polısıa "Respýblıka" alańyndaǵy "Táýelsizdik" monýmentiniń qasynda ondaǵan adamdy ustady. Tártip saqshylary jýrnalıserge olardy ne sebepti ustaǵandaryn túsindirgen joq. Ustalǵandardyń keıbiri "Shal, ket", "Oıan, Qazaqstan" dep aıǵaılady. 

Naýryzdyń 1-i kúni Almatydaǵy adam kóp júretin "Respýblıka" saraıynyń aldynda da bir top polısıa turdy. 

Buǵan deıin elde "ekstrımıstik uıym" dep tanylǵan, biraq Eýroparlament beıbit oppozıalyq uıym dep ataǵan "Qazaqstannyń demokratıalyq tańdaýy" (QDT) uıymy, tirkelmegen "Demparıa" belsendileri, "Respublika", "Oyan, Qazaqstan" qozǵalystary dál osy kúni Qazaqstannyń barlyq óńirindegi qala men oblys ákimdikteriniń aldynda beıbit mıtıńige shyǵatyndaryn málimdegen. Qazaqstannyń bas prokýratýrasy aqpannyń 28-i kúni naýryzdyń 1-i kúni bolatyn mıtıńini "zańsyz aksıa" dep,   qazaqstandyqtardy ol aksıalarǵa qatyspaýǵa shaqyrǵan.