Eks-prezıdent Nursultan Nazarbaev Almaty qalasynyń ákimi Baqytjan Saǵyntaevpen kezdesti,  dep jazady Qamshy.kz aqparat agenttigi. 

Saǵyntaev Nazarbaevqa óndiristi, qurylysty damytý, shaǵyn jáne orta bıznesti qoldaý, sondaı-aq ınvestısıalardy tartý salasyndaǵy memlekettik jáne salalyq baǵdarlamalardyń iske asyrylýy týraly aıtyp berdi. 

– Ótken jyl jaqsy kórsetkishtermen aıaqtaldy. Almaty – Qazaqstannyń eń iri megapolısi. Bul qalada kóptegen másele bar ekenin bilemin. Biraq mundaı máseleler burynnan bar. Qalada ekologıa, kólik, shaǵyn jáne orta bıznesti damytý, kóshi-qon jáne jumyspen qamtý máseleleri bar. Bul máseleler bizge burynnan belgili. Endi atalmysh máselelerdi júıeli túrde sheshý mańyzdy, – dedi N.Nazarbaev.