Qazaqstan prezıdenti Qasym-Jomart Toqaevtyń bastamasymen qurylǵan Ulttyq qoǵamdyq senim keńesiniń quramy ózgerdi. Bul týraly Aqordanyń Facebook paraqshasynda habaralandy. 
​
Ol habarlamada keńes quramyna májilisi depýtaty Baqytbek Smaǵul, zańger Marat Bashımov, "Mazmundama" qoǵamdyq birlestiginiń tóraǵasy Shyńǵys Muqan, Qazaqstannyń jańartylatyn energetıka qaýymdastyǵynyń bas dırektory Arman Qashqynbekov jáne "Talbesik" kópbalaly analar qozǵalysynyń jetekshisi, jýrnalıs Lázzat Qojahmetova, zańger Aınur Sábıtova kirgeni aıtylady. 

Al keńes quramynan Elvıra Ázimova, Arýjan Saın, Bolat Palymbetov, Arman Shoraev, Baqytjan Buqarbaı, Azamathan Ámirtaev shyǵarylǵan.

Aqordanyń Facebook paraqshasy taratqan habarlamada keńestiń kelesi otyrysy osy jyldyń sáýir aıynda ótetini aıtylǵan.

Ulttyq qoǵamdyq senim keńesi 2019 jyly 12 maýsymda qurylyp, onyń quramyna bastapqyda 44 adam múshe bolǵan.  Keńestiń alǵashqy otyrysy 2019 jyly 6 qyrkúıekte ótti.