"162 adam bosatyldy, tórt azamat qamaýǵa alyndy" delingen mınıstrlik habarlamasynda. Jappaı tártipsizdik boıynsha sotqa deıingi óndiris bastaldy.

Ulttyq qaýipsizdik memlekettik komıtetiniń habarlaýynsha, 3 naýryzda mıtıńti uıymdastyrýshylardyń biri, eks-depýtat Kanybek Osmonalıev pen aksıanyń bir belsendisi D.A. ustaldy. Ekeýi de tergeý abaqtysynda otyr.

Bir kún buryn keshke Bishkektegi mıtıń quqyq qorǵaý organdarynyń kúshimen taratyldy.

İİM málimeti boıynsha, jappaı tártipsizdik kezinde mılısıanyń 24 qyzmetkeriniń denesine zaqym kelgen.

2 naýryzda Ala-Too alańynda sottalǵan saıasatker Sadyr Japarov jaqtastary mıtıń ótkizip, bılikten eks-depýtatty bosatýyn talap etti. Keshke qaraı olar mılısıamen qaqtyǵysyp qaldy. Quqyq qorǵaý organdary olarǵa qarsy vodomet pen kózden jas aǵyzatyn gaz qoldandy.

Sadyr Japarov 2013 jyly Qarakólde mıtıń uıymdastyryp, gýbernator Emılbek Qaptaǵaevti kepilge alǵany úshin aıypty dep tanyldy. Saıasatker on jylǵa sottaldy. Sol kezde mıtıńige shyqqandar "Qumtór" altyn kenin memleket menshigine alýdy talap etken.