Japonıanyń olımpıadalyq mınıstri Seıko Hashımoto Tokıo-2020 oıyndary koronavırýstyń órshýine baılanysty keıinge qaldyrylýy múmkin ekenin habarlady, dep jazady bbc.com.

Parlament aldynda suraqqa jaýap bergen Seıko Hashımoto Tokıo men Halyqaralyq olımpıada komıteti (HOK) arasyndaǵy  kelisim-shart oıyndardy 2020 jyly ótkizýge shaqyratynyn málimdedi. Alaıda oıyndardy keıinge qaldyrýǵa ruqsat alý múmkindigi de joqqa shyǵarylmaıdy. Dese de keıinge qaldyrý máselesindi sońǵy sóz HOK-ke tıesili.

Hashımoto eldiń oıyndardy josparǵa saı ótkizý úshin baryn salyp jatqanyn aıtty.

Halyqaralyq olımpıada komıtetiniń prezıdenti Tomas Bah uıym Tokıonyń meseleni sheshe alatynyna senimmen qaraıtynyn jasyrmaıdy. Ol barlyq sportshylardy daıyndyqtaryn úlken senimmen jáne tolyqtaı jalǵastyrýǵa shaqyrdy.

Tokıo olımpıadasy 24 shilde men 9 tamyz aralyǵynda ótýge tıis. 

Qytaıda paıda bolǵan koronavırýs búginde 60-tan astam elge taralyp, osy ýaqytqa deıin 3000-nan astam adamnyń ómirin qıdy.