Bul týraly QR İshki ister mınıstri Erlan Turǵymbaev vedomstvolar men aımaqtyq polısıa basqarmalarynyń basshylarymen kezdesý barysynda málimdedi, dep habarlaıdy Qamshy.kz aqparat agenttigi Polisia.kz deregine súıenip.

Mınıstrdiń aıtýynsha, polısıa aldaǵy ýaqytta da mıtıń kezindegi tártip buzý áreketterimen kúresýdi jalǵastyrady.

"Polısıa úshin eń bastysy – qaýipsizdik pen qoǵamdyq tártip. Zańdy syılaıtyn azamattar úshin alańdaıtyn eshteńe joq. Al mıtıńige jumysqa barǵandaı shyǵatyn jekelegen azamattar qoǵam tynyshtyǵyna qaýip tóndiredi. Olar áli kúnge arandatýshylardyń yqpalynda júr jáne ókinishke qaraı, beıbitshilik pen turaqtylyq biz úshin eń basty qundylyq ekenin, ony qasterlep ustaý qajettigin túsinbeıdi. Sondyqtan polısıa aldaǵy ýaqytta da elimizdiń jáne azamattardyń qaýipsizdigin saqtaý jolynda qyzmet atqara beredi. Eldegi beıbitshilik pen Qazaqstan halqynyń tynyshtyǵyn qorǵaý – bul bizdiń basty mindetimiz! – dedi E.Turǵymbaev.

Osylaısha, İİM basshysy quqyq qorǵaý organdarynyń qyzmetkerleri turaqsyzdyq pen zań buzýshylyqqa qatysty kez-kelgen árekettiń jolyn kesýdi jalǵastyratyndyǵyn atap ótti.

Sonymen birge mınıstr jıynǵa qatysqan basshylarǵa zańǵa sáıkes polısıa qyzmetkerlerin zańsyz jáne arandatýshylyq áreketterden qorǵaýdy qamtamasyz etýdi tapsyrdy.