AQSH bıligi halyqaralyq "Batyr áıelder" syılyǵyn ıelengenderdiń tizimin jarıalady. Syılyqty ıegerleriniń qatarynda etnıkalyq qazaq Saıragúl Saýytbaı da bar. 

"Saıragúl Saýytbaı Qytaıdaǵy İle qazaq avtonomıasynda dúnıege kelgen. Keıin medısınalyq ýnıversıtetti aıaqtaǵan soń dáriger, muǵalim, bilim berý salasynda dırektor bolyp qyzmet atqarǵan. 2016 jyly Saıragúl Saýytbaı otbasymen birge Qazaqstanǵa kóshkisi keledi. Biraq Qytaıdyń komýnıstik partıasy Saıragúl Saýytbaıdyń qujattaryn tartyp alyp, ózin Qazaqstanǵa jibermeı qoıǵan. 2017 jylǵy qarashadan 2018 jylǵy naýryzǵa deıin Saıragúl Saýytbaı lagerde tutqyndalǵan etnıkalyq ulttarǵa qytaı tilin úıretýge májbúr boldy. 2018 jyldyń naýryz aıynda Saıragúl Saýytbaı Qazaqstanǵa qashyp ketedi. Keıin ol Qytaıdyń musylmandarǵa jasaǵan repressıasynyń qurbany bolǵanyn málimdeıdi. Ol Qytaıdyń musylmandarǵa qysym jasaǵanyn alǵashqylardyń biri bolyp dáleldeıdi.  Saıragúl Saýytbaı Qazaqstannan bosqyn mártebesin ala almaǵan soń, byltyr 3 maýsymda otbasymen birge Shvesıaǵa ketken" dep jazylǵan sheteldik basylymda.