Densaýlyq saqtaý mınıstri Eljan Birtanov koronavırýsqa baılanysty merekelik jáne qoǵamdyq is-sharalardyń toqtatylýyna qatysty pikir bildirdi. Bul týraly Tengrinews.kz habarlady.

– Bizde koronavırýs anyqtalǵan joq, vırýs juqtyrdy degen kúdikpen keletin naýqastardy tekserip jatyrmyz. Sondyqtan da is-sharalarǵa shekteý qoıýdyń qajeti joq. Koronavırýs anyqtalǵan jaǵdaıda - 1 nemese eki adamda anyqtalǵan jaǵdaıda ǵana osyndaı sharalar qoldanamyz. Halyq dúrlikpeýi úshin qoǵamdyq is-sharalardy toqtatý kerek bolatyn shyǵar. Biraq qazir olaı isteýdiń qajeti joq. Qandaı da bir qaýip bolsa bas sanıtar dáriger men ár óńirdiń basshylyǵy qajet sheshim qabyldaıdy, – dedi mınıstr.

Birtanovtyń aıtýynsha, dál qazir balabaqsha men qoǵamdyq jerlerge barý qaýipti emes.

– Meniń de balalarym mektepke baryp júr, eshqandaı qaýip joq. Biraq tumaý maýsymy júrip jatqandyqtan biz kúz jáne qys aılarynda qoǵamdyq is-sharalardy kóptep uıymdastyrmaýǵa keńes beremiz. Biz muny únemi aıtatynbyz. Taǵy da aıtamyn, Qazaqstanda koronavırýs anyqtalsa, birden sol mezette qajetti sheshimder qabyldanady, – dedi mınıstr Birtanov.