Bul týraly Ortalyq komýnıkasıalar qyzmetinde Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Lúdmıla Búrabekova aıtty.
Lúdmıla Búrabekovanyń sózinshe, bul koronavırýstyń mamyr aıynda joıylatyny týraly suhbat bergen mamannyń ózi suraqty jańsaq túsingen:
"Epıdemıalyq jaǵdaı boıynsha bul boljam qısynǵa kelmeıdi. Suhbat bergen mamannyń ózi ıntervúdyń telefonmen júrgizilgenin, suraqty jańsaq túsingenin moıyndady. Sondyqtan, osyndaı boljam aıtqan. Shyn máninde, biz de boljamdar jasap otyrmyz. Biraq sáýirde nemese mamyr aıynda dep naqty eshteńe aıta almaımyz", – deıdi L. Búrabekova.
Osylaısha, atalǵan komıtet tóraǵasy koronavırýstyń naqty joıylý ýaqytyn aıta almaǵanymen, ózderi tarapynan da boljamdar jasalyp jatqanyn jasyryp qala almady.
Al qoǵamda kún raıynyń jylynýyna baılanysty juqpaly vırýs órship ketpeı me degen alań da joq emes. Oǵan sebep, ótkir derttiń kóbine jyly jaqtarda kóbirek órship bara jatqany bolyp otyr. Ázirge bul másele tóńireginde naqty málimdeme jasalǵan joq.
Eske sala keteıik, qazirgi ýaqytta álemde COVID-19 vırýsyn juqtyrǵandar sany 90 893 adamǵa jetip, odan 3110 adam qaıtys bolǵan.
Pikir qaldyrý