QR densaýlyq saqtaý mınıstrliginiń resmı ókili Dıas Ahmetshárip Qazaqstanda 248 Qytaı azamatynyń karantınge alynǵanyn aıtty. Bul týraly ol Nur-Sultanda ótken brıfıńte habarlady. 

Ulttyq qaýipsizdik komıteti shekara qyzmetiniń málimetterine súıensek, 6 qańtardan 1 naýryzǵa deıin Qytaıdan memlekettik shekara beketteri arqyly Qazaqstanǵa 32 456 azamat kelgen. 

– Kelgenderde vırýs deńgeıi joǵary. Olar 1 "a" kategorıasyna jatatyndar, ıaǵnı QHR men Iran elderinen kelgender. 2020 jyldyń 20 aqpan - 4 naýryz aralyǵynda Qytaıdan kelgen barlyǵy 315 adam oqshaýlandy. Olardyń 64-i - Qazaqstan azamaty. 251 sheteldik bar, olardyń 248-i - Qytaı azamaty. Irannan 24 adam keldi. Olardyń 9-y - qazaqstandyq, 15-i - Irannan kelgen, - dedi Ahmetshárip.

Brıfıńte koronavırýs kúdigimen 63 adam tekseristen ótkeni, olardan eshqandaı da vırýstyń belgileri tabylmaǵany atalyp ótildi.