Koronavırýstyń saldarynan Almatydaǵy birqatar qoǵamdyq kólik júrisin toqtatýy múmkin, - dep habarlaıdy Qamshy.kz aqparat agenttigi KTK arnasynyń deregin negizge alyp. 

Sebebi, avtobýstardy jóndeýge qajetti Qytaıdan ákelinetin qosalqy bóleshekter elge jetkizilmeı jatyr. Keı tasymaldaýshy kompanıalar másele der kezinde sheshilmese, qoǵamdyq kólik qozǵalysy qıyndyqqa tap bolady deıdi.   

Alyp shahardaǵy ahýal Qytaıdan alynǵan avtobýstarǵa qatysty. Alaıda qalalyq ákimdik tasymaldaýshylar tarapynan alańdaýshylyq týyndaǵanyn jasyrmasa da, qara aspandy tóndirýge negiz joq degen senimde. Ákimdik ókiliniń aıtýynsha, qaladaǵy avtobýs parkterinde qosalqy bólshekter kemi eki aıǵa jetedi. Onyń ústine sheneýnikter megapolıstegi qoǵamdyq kólikterdiń 20 paıyzy ǵana Qytaıdan satyp alynǵanyn aıtady. Al "Reseı, Ózbekstan jáne ózge elderden alynǵan avtobýstarǵa qatysty esh másele joq" deıdi ákimdiktegiler.

"Qazirge ýaqytta Qytaıda bolǵan koronavırýs jaǵdaıyna baılanysty ol jaqtan  qosalqy saımandar kishkene keshigip kelip jatyr. Degenmen bizdiń avtobýs parkterinde bir jarym, eki aıǵa jetkilikti qosalqy bólshekter bar. Osy 16 naýryzdan keıin taǵy qosymsha bólshektermen taǵy bir konteıner keledi" dedi Almaty qalalyq Mobıldilik basqarmasynyń bólim basshysy Áset Tóleýishov.