Teńge baǵamynyń ózgerýine qatysty "Habar 24" telearnasyna pikir bildirgen ekonomıs Sergeı Domnın volúta baǵamyna qatysty túsiniksiz jaǵdaıdy kórip turyp, birden aıyrbastaý pýnktine barý kerek emes deıdi.

Domnın munaı quny, rúbl baǵamy tómendegenin, sondaı-aq teńge baǵamynda ózgeris oryn alǵanyn atap ótti.

"Kóp jaǵdaıda kúıgelektik saldarynan bolǵan aýytqýlar oryn alýda, ıaǵnı bireýler úshin bul spekýlátıvtik bolyp otyr. Olar osyndaı jaǵdaıdy týyndatýda. Meniń oıymsha, jaǵdaı túzelýi tıis" dedi ol.

Sonymen qatar ol halyqqa birneshe qarapaıym keńesin berdi.

"Birinshiden, baǵamǵa qatysty túsiniksiz jaǵdaıdy kórip turyp, birden aıyrbastaý pýnktine barý kerek emes. Óıtkeni valúta aıyrbastaý oryndaryna birinshi bolyp barǵandar, vaıýtany aıyrbastaıtyndar úshin qosymsha tabys jasaýǵa múmkindik beredi. Ekinshiden, adamdar óz shyǵyndaryn josparlaýmen aınalysýy kerek, ıaǵnı qadamdardy uzaq merzimge belgileý qajet" dedi ekonomıs.

9 naýryzda, álemde munaı baǵasy kúrt túsken tusta, Qazaqstandaǵy aqsha aıyrbastaý pýnkterinde bir dollardyń quny 397 teńgeden satyla bastady. Tústen keıin Nur-Sultan men Almatydaǵy keıbir aqsha aıyrbastaý oryndary dollar satýdy toqtatty.