QR Bas memlekettik sanıtarıalyq dárigeri Jandarbek Bekshınniń Qazaqstanda 11-16 naýryz aralyǵynda koronavırýs tirkelýi múmkin ekenin aıtqan málimdemesi áleýmettik jelide qyzý talqylanyp jatyr.

Máselen, Jalǵas Sanǵyl atty feısbýk qoldanýshysy "Mynaý ne sóz? Bulaı qalaı boljaýǵa bolady??? Vırýs – quda emes qoı, poıyzǵa bılet alyp qoıypty deıtin. Eger myna aıtqany dóp kelse, bular ádeıi "keltirip" otyrǵan shyǵar? Álde, kóptep qarjy bóldirýdiń amaly ma? Túsinbedim, túsingenderińiz bolsa aıt jiberińizdershi myna sáýegeılikti?" dep jaǵdaıdy túsine almaı otyrǵanyn jazǵan.

Jýrnalıs Serik Ábikenuly da "kútip otyrǵandaı shatpaqtaıdy" dep bas sanıtar sózin synǵa aldy.

"Po nashemý prognozý gde-to s 11-16 marta ý nas mojet vsó je nakones-to poıavıtsá koronavırýs v strane. Plús-mınýs odna nedelá. My modelırýem sıtýasıý, delaem prognozırovanıe. Prognozy – vesh neblagodarnaıa, onı mogýt ı ne sostoıatsá".

"Mynaý J. Bekshınniń oryssha saıttar taratyp jatqan málimdemesi. "Nakones-to" dep qoıady. Asyǵa kútken be? Onyń ústine 11-16 aralyǵynda koronavırýs tirkelýi múmkin dep kelip, plús-mınýs bir apta deıdi. Kóketaı, 11-den bir aptany alsań 4-naýryz bolady. Eger kelip qoıǵan kesel bolsa eń áýeli balabaqsha, mektepterde saqtyqty kúsheıtý kerek, "oılan tap" oınap bas qatyrmaı. Halyqty selt etkizetin habar taratyp otyryp saýatty sóıleýge bolady ǵoı. Ótkende "ushatyn tyshqandardan taraıdy" dep shý etkizdi. Endi jambas asyp qudasyn kútip otyrǵan adamdaı shatpaqtaıdy. E, Alla, eldi óziń saqtaı kór! Sanıtarǵa til men qaýqar ber!" deıdi jýrnalıs.

Qýanysh Edilhantegi atty jeli qoldanýshysy Bekshın málimdemesi "qoǵamdyq pikirdi daıyndap alaıyq" degen eseppen jasalǵan bolýy múmkin ekenin aıtady.

"Álgi aty jaman vırýs kelgen boldy. Endi eki-úsh kúnde bizde anyqtalýy múmkin depti bas sanıtarlyq dáriger. Odan da anyqtaldy, biraq aldymen qoǵamdyq pikirdi daıyndap alaıyq ta deseńshi. Ótirikti de qıyndastyryp aıtý kerek qoı, áıtpese endi eki-úsh kúnde keletinin qalaı bilip otyr? Álde qumalaqshy ma, álde kel dese kele qoıatyn kógendegi qoıy ma?" deıdi ol.