Jambyl oblysynyń Qordaı aýdanynda bolǵan qazaq-dúngen janjalynan keıin bes adam ustaldy. Bul týraly bas prokýrordyń orynbasary Bolat Dembaev málimdedi.

– Qordaıdaǵy jaǵdaı boıynsha bes adam ustaldy. Ekeýi buzaqylyq jasap, eresek adamdy uryp-soqqany úshin jáne polısıa qyzmetkerlerine baǵynbaǵany úshin ustaldy. Bul týraly BAQ-tarda jazyldy. Al órt shyǵaryp, adam óltirý derekteri boıynsha tergeý júrip jatyr. Áli eshkimdi ustaǵan joqpyz. Sebebi onda is materıaldary kóp, – dedi Dembaev.

Onyń aıtýynsha, kúdiktilerdiń bári ustalǵan joq.

– Vıdeomaterıaldardy qarap jatyrmyz, sodan keıin ǵana sheshim qabyldanady, – dedi bas prokýrordyń orynbasary.

Buǵan deıin, ishki ister mınıstrligi keıbir jergilikti bılik organdaryna Jambyl oblystyq polısıa departamentiniń aýmaqtyq bólimsheleri 25-ten astam qylmystyq is qozǵaǵanyn habarlaǵan bolatyn.