Qytaılyq zertteýshiler kishkentaı balalarǵa koronavırýs juǵý qaýpi tómen  ekenin aıtty Buǵan vırýs juqtyrǵan eresek adamdardyń kishkentaı balalarmen sóılespeýi sebep bolýy múmkin. Qytaıdaǵy aýrýlardy baqylaý jáne aldyn alý ortalyǵyndaǵy zertteýshilerdiń bul málimdemesi New England Journal of Medicine jýrnalynda jaryq kórdi. 

Qańtar aıynyń ortasyna deıin 15 jastan kishi balalardyń koronavırýs juqtyrǵany týraly aqparat joq. Zertteýshiler kámelet jasqa tolmaǵan balalardyń koronavırýs juqtyrý qaýpi tómen nemese vırýs juqtyrǵannyń ózinde aýrý belgileri birden baıqalmaıtynyn aıtty. 

– Nege ekeni belgisiz biraq eresekter balalarǵa qaraǵanda koronavırýsty tez juqtyrady, – dedi ınfeksıonıst Rıchard Martınello. 

Zertteýshiler bul jaqsy jańalyq dep esepteıdi. Sebebi balalar adamdarmen kóbirek sóılesip, aralasady. Sol sebepti olar vırýstyń taralýyn kúsheıtedi. 

– Balalarǵa koronavırýs juǵý qaýpi tómen bolsa, bul qýanarlyq jańalyq. Sebebi vırýsty balalar qanshalyqty kóp juqtyrsa bul koronavırýstyń taralýyn kúsheıtedi, – deıdi pedıatr Aaron Mılstoýn.

Zertteýshiler balalar aýrýhanasyndaǵy aqparat ázirge tolyq jınaqtalmaǵandyqtan, boljamnyń naqtylanbaǵanyn eskertti. Alaıda olar "balalardyń vırýs juqtyrý qaýpi joǵary bolsa, koronavırýstan zardap shekkenderdiń sany áldeqaıda kóp bolatyn edi" dep esepteıdi.