Almaty oblysy Talǵar qalasynda 11 synyp oqýshysy kópirden sekirip qaıtys boldy, dep habarlaıdy Qamshy.kz aqparat agenttigi.
Anyqtalǵandaı, oqıǵa 11 naýryz kúni shamamen saǵat 17:30 kezinde bolǵan.
«Oqýshy Talǵar qalasyndaǵy №2 mektepte oqyǵan. Kópir bıik, asty tas, ári sýdyń aǵyny qatty bolǵan. 2004 jylǵy qyz jaǵdaıy jaqsy otbasynan shyqqan. Kópirden sekirgen kezde janynda jigiti bolǵan degen boljam da qarastyrylyp jatyr. Naqty sebebin anyqtap jatyrmyz» dedi Almaty oblysy Talǵar aýdany ákiminiń baspasóz hatshysy Jankeldi Ómirálıev.
Al oblystyq polısıa departamentiniń baspasóz qyzmeti Qazirgi ýaqytta QR Qylmystyq kodeksiniń 105-baby, 3-tarmaǵy boıynsha sotqa deıingi tergeý isi júrip, sot-medısınalyq saraptama taǵaıyndalǵanyn habarlaǵan.
Pikir qaldyrý