Búgin Almatydaǵy azyq-túlik jáne turmystyq zattar satatyn bazarlar men iri dúkenderde "karantınge" qamdanyp jatqan jurttyń qarasy erekshe kóbeıgen. Qamshy tilshisi almatylyqtar kóp baratyn sýpermarketterdiń biri – "Magnýmnyń" Momyshuly/Rysqulovtaǵy núktesindegi jaǵdaıdy kórip qaıtty.

Tutynýshylar negizinen un, makaron ónimderi, kúrish, qaraqumyq, qant, burshaq sekildi azyq-túlik túrlerin, suıyqmaı men tomat pastasyn, kartop pen pıazdy kóptep satyp alýda. Atalmysh taýarlar satylatyn sórelerdiń birazy bosap qalǵan. Satýshylar sórelerdi ústi-ústine toltyryp jatyr.

Kasa mańy uzyn-sonar kezek. Kezeginiń kelýin saǵattan astam ýaqyt tosyp turǵandar da bar. Júıkesi syr bergen bir-eki satyp alýshy kezek úshin janjaldasyp ta aldy.

Dúkenniń anyqtama bólimi qyzmetkerleri mundaı dúrbeleńdi túsinbeı dal. Ózge núktelerde de satyp alýshylar kúrt kóbeıgen.

Olardyń sózinshe azyq-túlik tapshylyǵy joq. Baǵa burynǵydaı.