Bul týraly Qamshy.kz aqparat agenttigi Parlamenttiń baspasóz qyzmeti deregin negizge ala otyryp habarlaıdy. 

«Olardy retteý úshin respýblıkalyq búdjetten qarjylandyrý qajet. Atap aıtqanda,  respýblıkalyq búdjet esebinen salynǵan jańa áleýmettik nysandardy qamtamasyz etý máselesi de bar»,-dedi ákim orynbasary.  

Bul  rette depýtat Serik Qusaıynov mınıstrlig Atyraý oblysynyń ortalyqqa qomaqty qarjy aýdaryp otyrǵanyn eskerý kerek ekenin aıtty. Onyń pikirinshe, oblystan ortalyqqa "qaltasyna" túsetin aýdarymdardyń bir bóligin aımaqtyń ózinde qaldyrsa quba-qup.

Sebebi, sonyń arqasynda óńirde shaǵyn jáne orta bıznesti, sonymen birge, otandyq óndiristi qoldaý arqyly salyq bazasyn damytýǵa múmkindik týmaq.

Iaǵnı, óndiris kóbeıgen saıyn odan túsetin salyq ta artpaq. Sonyń arqasynda ortalyqqa aýdarylatyn aqshanyń kólemi artpasa, kemimeıtinge uqsaıdy. Bul úkimetpen qatar halyqqa da tıimdi bolmaq.

Óz kezeginde Qarjy mınıstrliginiń ókili bundaı uysynysty eskeretinin jetkizdi.

"Búginde aımaqtarǵa qoldanysqa jańadan berilgen nysandardy qamtamasyz etýge respýblıkalyq búdjetten transfert bólinbeıdi. Qazirgi búdjet zańnamasynda qoldanystaǵy bar nysandardy ǵana qarjylandyrý kózdelgen,  mysaly, bilim berý mekemeleri sıaqty. Mınıstrlik osy máseleni  jaqyn arada sheshýge kirisedi", – dedi Qarjy mınıstrliginiń búdjettik saıasat departamenti basshysynyń orynbasary Aıgúl Aıtbaeva.

♦taǵy oqı otyryńyz: Atyraý Qazaqstandy áli asyrap tur