Qazaqstanǵa koronavırýs bar elderden qansha adam kelgeni belgili boldy. Bul týraly  Taýarlar men qyzmetterdiń sapasy men qaýipsizdigin baqylaý komıteti habarlady. 

Qytaıdan 1454 adam kelgen, 401 adam karantınde jatyr. Olardyń 90-y qazaqstandyq,  311-i sheteldik azamat. Sheteldik azamattardyń 306-sy Qytaı azamaty. Qazir 232 adam karatınnen shyǵarylyp, 169 adam karantınde qalǵan.

Irannan Qazaqstan 69 adam kelgen. Kelgen adamdardyń 68-i karantınde jatyr. 52 adam – qazaqstandyq, 16 adam – ırandyq azamat. Qazirgi tańda 35 adam karantınnen shyǵarylyp, 33 adam karantınde jatyr. 

Ońtústik Koreıadan 819 adam kelgen. Karantınde jatqandardyń sany – 764. Olardyń 706-sy qazaqstandyq bolsa, 58-i sheteldik azamat. Sondaı-aq sheteldikterdiń 13-i ońtústikkoreıalyq azamat. Karantınnen 65 adam shyǵarylǵan, 699 adam karantınde jatyr. 

Italıadan 37 adam kelip, barlyǵy karantınde jatyr. Italıadan kelgenderdiń 33-i qazaqstandyq, tórteýi sheteldik. Áli karantınnen shyǵarylǵandar joq. 

Fransıadan kelgen 17 adam úıde oqshaýlanǵan. Olardyń 15-i qazaqstandyq, qalǵan ekeýi sheteldik azamat. 

Germanıadan 217 adam kelgen. Olardyń 108-i qazaqstandyq bolsa, 109-y sheteldik azamat. Qazir 195 adam úıde oqshaýlanǵan. 

Ispanıadan 34 adam kelgen. Olardyń 19-y qazaqstandyq, qalǵan 15-i sheteldik azamat. 32 adam úıde oqshaýlanǵan. Jedel respıratorly vırýstyq ınfeksıa men tumaý belgisimen 23 adam aýrýhanalarǵa jatqyzyldy.