Bul týraly  Qamshy.kz aqparat agenttigi QazAqparat deregine súıene otyryp habarlaıdy. 

Almaty qalalyq kásipkerlik jáne ınvestısıalar basqarma basshysy Erkebulan Orazalınnyń aıtýynsha, qalada azyq-túlik qory jetkilikti.

«Keshe gıpermarketterde, iri saýda núktelerinde adamdar azyq-túlikti jappaı satyp alyp jatty. Olaı jasaýdyń qajeti joq. Turǵyndar osyndaı áreketterimen baǵanyń ósýine ózderi jol beredi. Bul naryqtaǵy qalypty jaǵdaı. Suranystyń óskenin baıqaǵan jetkizýshiler osy sátti paıdalanyp qosymsha aqsha tabýǵa tyrysady. Árıne, biz óz tarapymyzdan aldyn alý sharalaryn qoldandyq, barlyǵymen sóılestik. Biz bul prosesti barynsha saqtaımyz, biraq naryqtyń aty naryq. Mysaly, qanttyń baǵasy aıtarlyqtaı ósti», – deıdi Erkebulan Orazalın.

Sondaı-aq, ol taýarlardyń basym bóligi otandyq ónim ekenin de atap ótken.

«Dúken sórelerindegi azyq-túlik azaımaıdy. Biz barlyǵymen únemi baılanysta bolamyz. Saýda oryndarynyń qoımalarynda taýar jetkilikti. Sondyqtan bir jylǵa tamaq alýdyń qajeti joq»,- dedi ol. Spıkerdiń aıtýynsha, eger qalada karantın jarıalansa, álemdik tájirtbegee súıenedi. Iaǵnı vırýsqa qaramastan azyq-túlik dúkenderi jabylmaıdy. Olar qalypty rejimde jumys isteıtin bolady. Halyq osyny túsinýi kerek. « Azyq-túlik baǵasyna kúndelikti monıtorıń júrgizilip otyrady. Basqa elden keletin taýarlar temirjol arqyly jetkiziledi. Jalpy, qaladaǵy áleýmettik mańyzy bar azyq-túlik ónimderiniń jyldyq tutynýy 860 myń tonnany quraıdy»,- deıdi resmı ókil.

Taǵy oqı otyryńyz: Bos sóre, azyq toly arba. "Magnýmdaǵy" dúrbeleń (fotoreportaj)