Sóz joq, ozbyr orystyń – aldymen, patshalyq, keıin sovettik – bıliginiń qazaqtyń sanasyn ýlaǵany sonshalyq – ultymyzdyń bodandyq qamytynan bosap shyqqanyna shırek ǵasyrdan assa da, keshegi qazaq baılarynyń esiginde júrip, etegin súıgen qul-qutannyń sanasy tazarmaı-aq qoıdy...
Qyzyl ımperıa «baı men kedeıdi teńestiremin» dep tyrashtanyp, teksiz baıǵustardyń kór kókirigine sasyq tútin úrlegende, «syrtqy júnin qampaıtqan» shıbóriniń sapalaq urpaǵy «bolys boldym, minekı»-di kótere almaı kóterem bolyp, kókshıgen kók kózdiń búksigen butyna qumarta berdi...
Orystyń ozbyrlyǵy ozǵan eki ǵasyrdan astam kezeńde qazaqtyń jeti urpaǵy aýysty, ıakı, jeti atasy jetim-jesir, qul-qutan áýletter aram shópteı qaptady, qazaq dalasyn...
Sonyń biri - qostanaıdyń dushpantildi qazaǵy, «Qazaq tilin - qazaqtyń múddesin satqan, memlekettik tildi - memlekettiń múddesin satqan, ana tilin - anasynyń tilegin satqan» (Qazybek ISA) - Dáýlet Dosmaılov bolsa kerek.
Jol erejesin buzǵan Aqtolqyn JÁNİBEKOVAǵa hattamany orys tilinde ǵana toltyrýǵa talap qoıyp, egemen Qazaq Eliniń Negizgi zańy - Ata Zańy - qasıetti Konstıtýsıamyzǵa qarsy aýyr qylmystyq áreket jasap; Til týraly zańymyzdy buzyp, memlekettik tilimizge kereǵar saıasat ustanýy arqyly memleketimizdiń qaýipsizdigine qastyq-qaskúnemdik, zıankestik jasaǵan. Sonymen qatar, memlekettik qyzmetkerdiń ádebine jatpaıtyn dórekilik jasap, óz laýazymyn asyra paıdalanǵan, osynyń nátıjesinde azamatsha A.Jánibekovanyń densaýlyǵyna nuqsan keltirgen Qostanaı oblysy İshki ister departamentiniń serjanty Dáýlet Dosmaılovqa qarsy qylmystyq is qozǵalýǵa tıis!
Qazaqstan Respýblıkasynyń birtutastyǵyna qaýip tóndirgen Qostanaı oblysy İshki ister departamentiniń serjanty Dáýlet Dosmaılovtyń birinshi basshysy (general-maıor T.S.Matkenovten bastap, maıor Mahmýdov t.b.) men sońǵy basshysyna deıin eldiń irgesiniń setineýine «úles qosqan toptyń músheleri (nemese basshylary)» retinde tanylyp, qyzmetterinen shuǵyl bosatylyp, jaýapqa tartylýlary kerek!
Qazaq ultynyń atajurty sanalatyn Qazaqstan Respýblıkasynyń birligi men yntymaǵyna iritki salýshy Qostanaı oblysy İshki ister departamentiniń serjanty Dáýlet Dosmaılovtyń isin qarap, aqtaýǵa baǵyt alǵan sot «óz laýazymyna laıyqty emes» dep tabylyp, jumysynan alynyp, qatań jaýapqa tartylsyn!
Elimizdiń zańdary men Elbasymyzdyń saıasatyn tıanaqty júrgizýge tıis «Nur Otan» partıasynyń Qostanaı qalalyq fılıalynyń basshylyǵy memlekettik til men azamattardyń muń-muqtajyna nemquraıly qaraǵandyqtary úshin qyzmetterinen ketip, jaýapqa tartylýy kerek. Áıtpese, halyqtyń «NurOtandy» – «QurOtan» atap, at tonyn ala qashýy, lezde...
...Qazaq tilin mensinbegen qostanaılyq polısıa qyzmetkeri, júgensiz jol saqshysy Dáýlet Dosmaılovtyń saýatsyz áreketi men anaıy qylyǵy qazaq qoǵamynyń oryndy ashý-yzyasyn týǵyzdy. Qoǵam belsendisi Qýanysh MUQTAI jaǵdaıdy óz kózimen kórip, qulaǵymen esitip, zańdylyqtyń saqtalýyn qadaǵalaý úshin oqıǵa ornyna arnaıy bardy.Biraq... Uıqyly-oıaý ulyqty ulys – qalyń qazaq «qamyt» kıip, qamsyz otyr...
...Tilin kesip alǵanda ǵana – tilerseginen qan saýlap, jan saýǵalaı ma?!.
Qajymuqan ǴABDOLLA
