QR Densaýlyq saqtaý mınıstrligi Whatsapp jelisinde taraǵan "Búgin saǵat 23:00 men 5:00 aralyǵynda dezınfeksıa úshin tikushaqpen dári shashady. Úıdiń terezeleri men balkondaryn ashýǵa, sondaı-aq saǵat 23:00 keıin kóshege shyǵýǵa tyıym salynady" degen aqparattyń shyndyqqa janaspaıtynyn resmı habarlady.
⠀
"Jalǵan aqparat taratqandar QR zańnamasymen qylmystyq jaýapkershilikke tartylatynyn esterińizge salamyz.
⠀
Qurmetti azamattar, áleýmettik jelilerde júrgen jalǵan aqparattarǵa emes, tek resmı derekterge senińizder. Naqty aqparatty QR Densaýlyq saqtaý mınıstrliginiń, DSM Taýarlar men qyzmetterdiń sapasyn baqylaý komıtetiniń resmı saıtynan, mınıstrlik pen komıtettiń Facebook paraqshasynan oqı alasyzdar" delingen aqparattyq habarlamada.