Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qısyqova koronavırýs juqtyrǵan 14 jańa naýqastyń jaı-kúıi týraly aıtyp berdi, dep habarlaıdy QazAqparat.

– 14 adamnyń barlyǵy bir reıspen kelgen joq. Bes adam – qaladaǵy ınfeksıalyq bloktyń stasıonarynda jatqan. Qalǵan 9 adam – epıdemıologıalyq jaǵdaıy qolaısyz elderden kelgen jolaýshylardy tekserý barysynda tabyldy. Onyń ishinde 4 adam – Bas sanıtarlyq dárigerdiń qaýlysy boıynsha epıdemıologıalyq jaǵdaıy qolaısyz dep tanylǵan Italıa men Ońtústik Koreıadan kelgen, – dedi basqarma basshysy brıfıńte

Onyń aıtýynsha, bir naýqas juqpaly aýrýlar aýrýhanasynda ortasha deńgeıdegi Jedel respıratorlyq vırýstyq ınfeksıa dıagnozymen jatqan. Ony qosymsha tekserý barysynda koronavırýstyq ınfeksıa tabyldy jáne em taǵaıyndaldy.

– Barlyǵynyń jaǵdaıy qanaǵattanaralyq, klınıkalyq belgiler joq. Barlyǵy Nur-Sultan qalasynyń kópbeıindi medısınalyq ortalyǵynyń ınfeksıalyq stasıonaryna jatqyzyldy, – dedi S. Qısyqova.