Buǵan deıin Almatyda adamdar tolaıym oqshaýlanǵan «Suńqar» turǵyn úı kesheni qazir qatań baqylaýda turǵanyn habarlaǵan bolatyn. Sońǵy málimetterge sáıkes, atalmysh turǵynúıdiń qasyndaǵy kópqabatty úıler de qorshaýǵa alynǵan. Bul týraly Egemen.kz habarlady.

«Suńqar» turǵynúı kesheni 15 kúndik karantınge jabylǵannan keıin qala ákiminiń orynbasary Erjan Babaqumarov megapolıste indet oshaqtary bar ekenin málimdegen bolatyn. Babaqumarov indet oshaqtaryn atamaǵanyna qaramastan, birqatar resmı saıttar megapolıste vırýs juqtyrǵandardyń naqty meken-jaılaryn jarıalap úlgerdi.

– Qalada koronavırýsty juqtyrý oshaqtary bar. Basty mindet – juqtyrý tizbegin úzý, karantın rejımin saqtaý, qalada vırýstyń taralýyna jáne ony basqa óńirlerge eksporttaýǵa jol bermeý, – dedi Erjan Babaqumarov.

Almaty qalasynyń óńirlik komýnıkasıalar qyzmetiniń alańynda ótip jatqan onlaın-brıfıngte táýlikten ýaqyt tańdamaı, BAQ ókilderi barlyq suraqtardy qoıýǵa múmkindik alyp otyr.