«Nur Otan» partıasy men «Jas Otan» jastar qanatynyń belsendileri kópbalaly jáne az qamtylǵan otbasylarǵa, sondaı-aq erekshe qajettilikteri bar azamattarǵa jáne jalǵyz basty zeınetkerlerge kómek kórsetýdi jalǵastyrýda. Aksıa Qazaqstannyń barlyq aımaqtarynda, sonyń ishinde elorda jáne Almaty qalasy mańyndaǵy eldi mekenderde ótýde. Máselen, búginde 720 otbasy ataýly kómek aldy. «Jas Otan» JQ jetekshisi Elnur Beısenbaevtyń aıtýynsha, eriktiler kún saıyn 400 úıge barady.

«Áleýmettik jaǵynan osal 10 myńǵa jýyq otbasy partıadan qaıyrymdylyq jıyntyǵyn alady. Qazir karantın kezinde úıden erekshe sebeptersiz shyǵýǵa bolmaıdy. Sondyqtan, bizdiń volonterlarymyz 2 apta ishinde olardy barlyq qajettiliktermen qamtamasyz etýge tyrysady. Munda jarma, makaron, kúrish, maı, mindetti túrde medısınalyq maskalar, antıseptıkter sekildi zattar qamtylǵan. Sonymen qatar biz koronavırýstyń aldyn alý boıynsha qajetti aqparaty bar jadnamalardy da taratamyz», – dedi Elnur Beısenbaev.

Buǵan deıin partıa Lıderi Nursultan Nazarbaev «Nur Otan» partıasyna «Kedergisiz keleshek», «Baqytty otbasy» jáne «Ardagerlerdi ardaqtaıyq» partıalyq jobalary sheńberinde muqtaj qazaqstandyqtarǵa ataýly kómek kórsetý úshin 150 mln.teńge bólýdi tapsyrdy. Bul qarajatqa partıalyqtar men «Jas Otan» volonterleri halyqtyń áleýmettik osal toptaryna baılanyssyz jetkizýi úshin medısınalyq maskalar, antıseptıkalyq quraldar jáne basqa da birinshi qajettiliktegi taýarlardy satyp aldy. Sonymen qatar, partıanyń Ortalyq apparaty pen fılıaldarynyń qyzmetkerleri osy qajettilikterge ózderiniń bir kúndik jalaqysyn aýdarǵan bolatyn.

Óńirlerdegi partıa músheleri de syrt qalmady. Mysaly, Shymkent qalasynyń kásipkeri Qaırat Moldaseıitov karantın jaǵdaıynda halyqtyń áleýmettik osal toptaryna kómek kórsetýge 20 mln teńge bóldi. Onyń bastamasyn qaraǵandylyq kásipker, «Nur Otan» múshesi Ǵabdolla Dúısenbaev qoldady. Ol ekspress-test satyp alý úshin qaıyrymdylyq kómek retinde 5 mıllıon teńge aýdardy.

«Nur Otan» partıasy Almaty qalalyq fılıaly da qazaqstandyqtardy qoldaý kórsetýge shaqyrdy. Nurotandyqtar demeýshilik kómek kórsetkisi keletin azamattarǵa arnaıy shot ashty.

Kómek jiberý úshin derektemeler:

«Jańa Alataý» qoǵamdyq qory

STN 600300567791

BSN 080740011034

JSK № KZ826010131000165601

«Qazaqstan Halyq Banki» AQ

BIK HSBKKZKX

KBE 18 TTK 119

Telefon: 8 (727) 396-74-20