Tótenshe jaǵdaı tártibinde kókpar uıymdastyrǵan Almaty oblysynyń turǵyny jaýapkershilikke tartyldy, dep habarlady Polisia.kz.

– Qazirgi ýaqytta ulttyq oıyndy uıymdastyrǵan azamat anyqtaldy. Ol 27 jastaǵy jergilikti turǵyn bolyp shyqty. Quqyq buzýshy qazirgi tótenshe jaǵdaıdyń aýqymy men mańyzyn sezinbegeni anyq. Onyń sózinshe, ol kókpardy “Naýryz merekesine” oraı uıymdastyrǵan. Elimizde tótenshe jaǵdaı jarıalanǵanyn bile tura, ol qoǵamdyq sharaǵa uıytqy bolǵan. Sonymen qatar, ulttyq oıyn eldimekendegi joldyń boıynda uıymdastyrylǵan, ıaǵnı ol zańnama talaptaryn óreskel buzǵan, – dedi Qarasaı APB basshysy Asqat Danıar.

Atalǵan oqıǵa boıynsha QR ákimshilik quqyq buzýshylyq týraly kodeksiniń 476-babynyń "Tótenshe jaǵdaı tártibin buzý" deregi boıynsha ákimshilik óndiris qozǵalyp, naqty prosesýaldyq sheshim qabyldaý úshin is aýdanaralyq sotqa joldandy.