Túrkistan oblysynyń ákimdigi búgin taǵy da 3 adam koronavırýs indetin juqtyrǵanyn habarlady.
Vırýs juqtyrǵan naýqastyń biri 1992 jyly týǵan, Saıram aýdany Qosbulaq aýylynda dúnıege kelgen. Onyń buryn Birikken Arab Ámirlikterinen kelgen azamatpen baılanysta bolǵany anyqtaldy.
Koronavırýs ınfeksıasy 1991 jyly týǵan taǵy bir áıelde jáne 2019 jyly týǵan balada anyqtalǵan. Olar Nur-Sultannan poezben kelgen azamatshamen jaqyn baılanysta bolǵan.
Vırýs juqtyrǵandar qazirgi ýaqytta oqshaýlanyp, em qabyldaýda. Atalǵan azamattarmen baılanysta bolǵandardy anyqtap, oqshaýlaý jumysy júrgizilip jatyr.
Búginde óńirde koronavırýs indetimen jalpy 19 adam tirkelgen.
Pikir qaldyrý