Qyzylorda oblysynda koronavırýs juqtyrǵan júkti áıel bosanyp aldy. Bul aqparatty Qazaqstan densaýlyq saqtaý mınıstriniń orynbasary Lázzat Aqtaeva Facebook paraqshasynda jazdy.

Onyń jazýynsha, júkti áıel 8 sáýirde perzenthanaǵa tolǵaq qysyp túsken kezde  JRBI sımptomdary bolǵan. Keıin odan koronavırýs anyqtalǵan.

"Bala aman-esen týdy. Salmaǵy – 2970 gram, boıy – 51 sm. Sábıdiń jaǵdaıy birqalypty. Covid-19 analızi alyndy. Áıel Covid-19 indetinen emdelý úshin ınfeksıa stasıonaryna aýystyryldy. Al áıeldi bosandyrǵan dárigerler eki apta úı karantınine jiberildi" dep jazdy vıse-mınıstr.

Qazaqstanda buǵan deıin de eki qabat áıelden koronavırýs tabylǵan. Ol Almaty oblysynda emdelip jatyr.

Qyzylorda oblysyn – Qazaqstandaǵy koronavırýstan eń qatty zardap shegip jatqan óńirlerdiń biri. Qazir bul oblysta  koronavırýs juqtyrǵandar sany 100-ge jetken.

Sońǵy aqparat boıynsha, Qazaqstanda 781 adamnan vırýs tabylǵan. Olardyń 60-y jazylyp shyqty, segizi vırýstan kóz jumdy.