Qazaqstanda koronavırýs boıynsha 10 sáýirdegi epıdemıologıalyq jaǵdaıǵa sáıkes indet juqtyrǵan 21 adam tirkeldi. Almaty qalasynda koronavırýs indetinen bir naýqas kóz jumdy.

Búgingi kúnge deıin koronavırýstyń 802 jaǵdaıy tirkelgen. 60 adam aýrýdan aıyǵyp shyqsa, 9 adam indetten kóz jumdy.

Almatyda qaıtys bolǵan naýqas 1956 jyly dúnıege kelgen. Pasıent baılanysta bolǵandar qatarynan, onyń oń taldaýy 16 naýryzda anyqtaldy.

Qosymsha aýrýlar, atap aıtqanda ókpeniń sozylmaly obstrýktıvti aýrýlary, júrektiń sozylmaly jetkiliksizdigi men júrektiń ıshemıalyq aýrýlary, stenokardıasy, arterıalyq gıpertenzıasy boıynsha naýqas 18 naýryzda reanımasıa jáne qarqyndy terapıa bólimshesine ornalastyrylǵan. 

Júrgizilgen qarqyndy terapıaǵa qaramastan, jaǵdaı polıorgandyq jetkiliksizdiktiń saldarynan nasharlady.

9 sáýirde qosymsha aýrýlarynyń údeýi kúsheıip, qan aınalymy toqtady. 30 mınýt boıy júrgizilgen reanımasıalyq is-sharalar sátsiz bolyp, naýqasty qutqarý múmkin bolmady.

Negizgi dıagnozy: COVID-19 koronavırýstyq ınfeksıasy, rastalǵan jaǵdaı. Eki jaqty polısegmentti pnevmonıa, aýyr aǵymy. Eki jaqty plevrıt. Ókpeniń isinýi, Laıella sındromy.