AQSH-tyń Qazaqstandaǵy elshisi Ýılám Mozer forbes.kz basylymyna bergen suhbatynda qazaq tiliniń qoldanys aıasynyń keńeıgenin baıqaǵanyn aıtty.

– Búgingi Qazaqstannyń 1990 jyly men kórgen elden aıyrmashylyǵy óte úlken. Qazaq tili qoldanysynyń keńeıip, tanymaldyǵynyń arta túskenine kýámin. Bul ásirese jastar arasynda erekshe baıqalady, – degen ol 20 jyldan astam ýaqyt buryn Almatyda qyzmet etkende kóshede qazaqsha sóıleıtinderdi sırek kórgenin aıtty.

Onyń sózinshe, qazir qazaq tili kúndelikti qarym-qatynas tiline aınalyp bara jatyr.

– Men orys tilin almatylyq taksısterden úırendim dep ázildeıtinim bar. Qazaq tilin úırený úshin de bar kúshimdi jumsaımyn. Oǵan maǵan elshiliktegi muǵalimim kómektesedi, – dedi Ýılám Mozer.