Almatyda bazarlar men restorandar qashan ashylady?

Almaty qalasynyń ákimi Baqytjan Saǵytbaev beınekonferensıa arqyly qala tirshiliginiń qalaı qalypqa keletini týraly aıttyp, kólik jýý oryndary, restorandardyń, azyq-túlik bazarlarynyń qashan ashylatynyn málim etti.

– Basynda 20 sáýirden avtojýý, dóńgelek jóndeý oryndaryn, tehnıka jóndeıtin jerlerdi ashamyz dep oıladyq. Biraq olardy 27 sáýirge shegerip otyrmyz. Al saýda ortalyqtary men saýda úıleri, úlken azyq-túlik bazarlary men restorandar sekildi adam kóp jınalatyn oryndar mamyr aıynyń ortasyna deıin karantınde bolady dep josparlanýda, – dedi qala ákimi.

Keshe, tótenshe jaǵdaı rejımin qamtamasyz etý jónindegi memlekettik komısıanyń kezekti otyrysynda 20 sáýirden bastap Nur-Sultan men Almatyda jumysyn qaıta bastaıtyn qyzmet túrleriniń tizimi bekitilgen.

Oǵan sáıkes, Nur-Sultan qalasynda:

ónerkásiptik kásiporyndar;
qurylys jáne jol-qurylys salalarynyń kompanıalary, iri qurylys dúkenderi;
kólik, qoımalaý salalaryndaǵy kompanıalar, aýyl sharýashylyǵy maqsatyndaǵy servıstik kompanıalar;
avtosalondar, TQS, avto jýý, dóńgelek aýystyrý servısi, avtobólshekter dúkenderi, hımıalyq tazalaý, keńse tehnıkasyn jóndeý;
ekinshi deńgeıli bankter saǵat 9:00-den 16:00-ge deıin shtat sanynyń 50%-yn shekteýmen, notarýıster aldyn ala jazylý boıynsha jumys isteıdi;
qoǵamdyq tamaqtaný nysandarynyń jumysy tek ózimen alyp ketý jáne jetkizý qyzmetimen saǵat 22:00-ge deıin uzartylady.

Almaty qalasynda:

ónerkásiptik kásiporyndar;
qurylys jáne jol-qurylys salalarynyń kompanıalary, qurylys materıaldarynyń iri kóterme bazarlary;
notarıýster aldyn ala jazylý boıynsha;
tek bızneske qyzmet kórsetý úshin HQKO bir bólimshesi (Naýryzbaı aýdany, Shuǵyla shaǵyn aýdany, 347/1) jumys isteıdi.

Almatyda bazarlar men restorandar qashan ashylady?

Qatysty tegter :

Pikir qaldyrý

Qatysty Maqalalar