Aqtóbede oblystyq máslıhat depýtattary «Nur-Ǵasyr» meshitimen birigip qaıyrymdylyq sharasyn ótkizdi. Bul aksıa Qasıetti Ramazan aıyna oraı uıymdastyryldy.

Dástúrli túrde bul qasıetti aıda el turǵyndary muqtaj jandarǵa kómek kórsetýde asqan belsendilik tanytady, óıtkeni, Oraza aıynda pitir-sadaqa jáne zeket berý mol saýapqa keneltedi. 

Bul aıdaǵy ıgi ister men muqtaj jáne naýqastarǵa kórsetilgen jomarttylyq úshin Alla Taǵalanyń syıy eselenip, adamdy ózine jaqyndatady.

Atalmysh aksıa aıasynda 99 múgedek balalarǵa jalpy somasy 2 mln. teńgeni quraıtyn azyq-túlik qorjyndary (et, un, kúrish, sheker, kámpıtter, t.b.) úlestirildi.

Alla Taǵalanyń 99 esimi bolǵandyqtan 99 sany da kezdeısoq alynǵan joq. Sondaı-aq, balalar jáne olardyń otbasylary úshin Alla Taǵalanyń 99 esimi beınelengen arnaıy syılyq ázirlendi.

Bul Esimderdi atap otyratyndardyń Imany kúsheıip, kúmán men senimsizdikterin ketiredi. Eger, bul esimderdi atap, keıin birneshe ret duǵa oqylsa, em qonbaıtyn aýrýlardy saýyǵýǵa óz áserin beredi,- deıdi uıymdastyrýshylar.