Bıyl Mańǵystaý oblysynda 149 myń shaqyrym jol jańartyp, paıdalanýǵa beriledi. Bul týraly Mańǵystaý oblysynyń qoǵamdyq komýnıkasıa ortalyǵynda ótken brıfıńte oblystyq jolaýshylar kóligi jáne avtomobıl joldary basqarmasynyń basshysy Bolat Erejepov habarlady.

Mańǵystaý oblysynyń jalpy avtomobıl joldarynyń jalpy uzyndyǵy 2948 km quraıdy. Onyń ishinde respýblıkalyq mańyzdaǵy – 1020 km, oblystyq jáne jergilikti mańyzdaǵy – 1928 km quraıdy.

Ótken jyly 107,7 shaqyrym jolǵa asfált jabyndysy tóselip, 150 shaqyrymdy quraıtyn 4 joba tolyǵymen aıaqtaldy. Olar: «Quryq – Port Quryq» (22 km, 8,2 mlrd.teńge) avtojolyn rekonstrýksıalaý jáne «Shetpe – Ushtaǵan» (54 km, 946 mln.teńge), «Aqtaý – Fort – Shevchenko – Qalamqas ken orny» (88-154 km, 668 mln. teńge), «Ondy aýylyna kireberis» (8 km, 138 mln.tenge) joldaryn ortasha jóndeý.

Osy jyly 275,4 shaqyrymdy qamtıtyn7 avtomobıl joldarynyń rekonstrýksıasy men jóndeý jumystaryn aıaqtaý josparlandy.

Olar «Ata joly» 1-kezeń (51 km), «Ata joly» 2-kezeń (46 km) «Jyńǵyldy – Shaıyr - Sherqala» (29 km) «Shetpe-Qyzan» (Tasmuryn-Mastek ýchaskesi, 36 km), «Tushshyqudyq aýylyna kirme jol» (29 km), «Fort-SHevchenko-Taýshyq» avtomobıl jolynyń 0-52 km ýchaskesin ortasha jóndeý (52 km), «Qyzan-Aqshymyraý» avtomobıl jolyn ortasha jóndeý (14,7 km) «Qyzylsaı-Senek» avtomobıl jolyn ortasha jóndeý (17,7 km).

          Sonymen qatar, aǵymdaǵy jyly 59,6 shaqyrymdy qamtıtyn 5 jobanyń qurylysy jalǵasady. Olar «HGMZ jol qıylysynan №23, 24, 28 «A» shaǵyn aýdandarynyń qıylysyna deıingi jalpy uzyndyǵy 7,0 km №55 avtojolyn qaıta qurylymdaý (7 km), «Shetpe-Tıgen» avtomobıl jolyn ortasha jóndeý (21 km), MAEK sý jınaý kanalynan «Quryq» paromdy keshenine deıingi avtomobıl jolyn rekonstrýksıalaý (27 km), Mańǵystaý oblysyndaǵy «MAEK» sý alǵyshynan bastap Quryq teńiz portyna deıingi avtomobıl jolyn rekonstrýksıalaý (İİİ kezeń) (0,07 km), Aqtaý qalasynyń Ómirzaq eldi mekeninen Jyly jaǵajaıǵa deıingi avtomobıl jolynyń qurylysy (4,6 km).

          Sondaı-aq, aǵymdaǵy jyly 95,2 shaqyrymdy qamtıtyn 12 jańa jobanyń jumysy bastalady. Olar «Fort-SHevchenko-Taýchık-SHetpe» avtomobıl jolyn ortasha jóndeý 52-91 km» (39 km) , «Ondy aýylyndaǵy pıaner lagerine kirme jol» avtomobıl jolyn ortasha jóndeý (6 km), «Eralıeva stansıasyna kirme jol avtomobıl jolyn ortasha jóndeý (12 km), «Shaıyr aýylyna kirme jolyn ortasha jóndeý» (2,8 km), «Jarmysh aýylyna kirme jolyn ortasha jóndeý» (2 km), «Syńǵyrlaý aýylyna kirme jolyn ortasha jóndeý» (2 km), «Jańaózen-Qulandy» avtomobıl jolyn ortasha jóndeý» (4,1 km), «Qyzylózen aýylyna kirme jolyn ortasha jóndeý» (9 km), «Taýshyq aýylyna kirme jolyn ortasha jóndeý» (3 km), «Mańǵyshlaq stansıasy - Karer-400» ortasha jóndeý» (5,6 km), «Jańaózen qalasyna kirme jol» avtomobıl jolyn ortasha jóndeý (4,75 km), «Jańaózen stansıasyna kirme jol» avtomobıl jolyn ortasha jóndeý (4,96 m).

Aýyl turǵyndarynyń ómir súrý sapasyn arttyrýǵa baǵyttalǵan 2019 jyly elimizde «Aýyl – el besigi» jobasy qabyldandy.

Joba aıasynda Beıneý, Shetpe jáne Mańǵystaý aýyldarynda 24,3 shaqyrym jol ortasha jóndeýden ótti, Mańǵystaý aýylynda 7,5 shaqyrym jańa jol salyndy.

Osy jyly Beıneý, Aqshuqyr, Qyzyltóbe, Baıandy, Basqudyq aýyldarynda 4 mlrd. teńgege 46,1 shaqyrym jol salynady jáne 47,4 shaqyrym jol ortasha jóndeýden ótkiziledi.

2019 jyly oblystyq jáne aýdandyq mańyzdaǵy avtomobıl joldaryn qarjylandyrýǵy barlyǵy 13,4 mlrd teńge. Onyń ishinde: respýblıkalyq búdjetten 12,3 mlrd.teńgege qoldaý kórsetilip, jergilikti búdjetten 1,1 mlrd. teńge qarastyrylyp tolyqtaı ıgerildi.

Osy jylǵa jergilikti jeli joldaryn jóndeý jáne qaıta qurylymdaý úshin respýblıkalyq búdjetten 7 mlrd. 467 mln. teńgege qoldaý kórsetildi.  Jergilikti búdjetten 2 mlrd. 694 mln.teńge qarastyrylǵan. Olar 29 jobany iske asyrýdy jáne 148,9 km astam joldy jaqsartýdy kózdeıdi. (Barlyǵy – 10,2 mlrd. tenge)

Sonymen qatar, «Jumyspen qamtý jol kartasy» baǵdarlamasy aıasynda kólik ınfraqurylymyn damytýǵa jergilikti búdjetten 3 mlrd. 223 mln. teńge bólindi. Joba aıasynda 13 joba iske asyrylyp, 557 adamdy jumyspen qamtý josparlanýda.