Almatyda koronavırýstyq ınfeksıany juqtyrýdyń rastalǵan jalpy 524 jaǵdaıy anyqtaldy. Qalada búgin taǵy 11 jaǵdaı tirkeldi.

Olardyń barlyǵy provızorlyq gospıtáldarda karantındegi naýqastarmen baılanysta bolǵandar.

Keshe Sovid-19 dıagnozymen eki adam qaıtys boldy. Ekeýiniń de jaǵdaıy asa aýyr halde bolatyn.

Onyń bireýi 1958 jyly týǵan er adam. Naýqastyń bul ınfeksıadan bólek búlingen pankreatıti, aýyr dárejeli qan azdyǵy, arterıaldyq gıpertonıa degen sıaqty qosymsha aýrýlary bolǵan. Ol júrek qyzmetiniń toqtaý sebebinen kóz jumdy.

Ekinshisi 1931 jyly týǵan áıel. Naýqas júreginiń ıshemıalyq aýrýy, arterıalyq gıpertenzıa, dısırkýlátorlyq ensefalopatıa sıaqty qosymsha dıagnozdarmen aýyr jaǵdaıda bolǵan.

Jalpy juqpaly aýrýlar stasıonarlarynda Almaty oblysynan naýqas áıeldi esepke alǵanda, koronavırýstyq ınfeksıadan 436 adam emdelýde.

Eki pasıenttiń jaı-kúıi – óte aýyr, 6-ýynda – aýyr, 138 adamda – aýyrlyqtyń ortasha dárejesinde jáne qalǵan adamdardyń jaı-kúıi – qanaǵattanarlyq.

84 naýqas koronavırýstyq ınfeksıadan emdelip shyqty.

Provızorlyq gospıtáldarda 294 adam, karantındik oqshaýlaýda 520, úı karantıninde 9764 adam bar.