QR Eńbek jáne halyqty áleýmettik qorǵaý mınıstri Birjan Nurymbetov "42 500 teńge alǵandar qylmystyq jazaǵa tartylmaıdy" málimdedi dep Ortalyq komýnıkasıalar qyzmetindegi brıfıńide.

– Búgingi tańda tótenshe jaǵdaılardyń saldaryna baılanysty tabysynan aıyrylǵan 3 mln 960 myń adamǵa áleýmettik tólem taǵaıyndaldy. Olarǵa 157 mlrd teńge tólendi. Ókinishke qaraı sońǵy 4-5 kún boıy áleýmettik jelilerde, qoǵamda "42 500 teńge alǵany úshin qylmystyq turǵyda jazalaıdy eken" degen áńgime kóp taralýda. Biz bárin qarap shyqtyq, – dedi mınıstr.

Ol Qazaqstanda birde-bir adam 42 500 teńge alǵany úshin, tipti jibergen qateligi úshin qylmystyq jazaǵa tartylmaıdy dep atap ótti.

– Birde-bir adam 42 500 teńge alǵany úshin, tipti jibergen qateligi úshin qylmystyq jazaǵa tartylmaıdy. Oǵan negiz joq. Osyǵan núkte qoıaıyq. Eshkim jaýapkershilikke tartylmaıdy. Ony ana talqylap jatqan zańgerler de biledi. Biz eshkimdi teksermeımiz. Sebebi bul –  áleýmettik tólem. Bul –  áleýmetke baǵyttalǵan tólem,– dedi Birjan Nurymbetov.

Onyń aıtýynsha jeke tulǵalardy, resmı ne beıresmı bolsyn jumys istep júrgenderdi tekserip jatpaıtynyn basa aıtty.

– Kópshiligi osy tólemdi alǵysy keledi. Ótken brıfıńide de aıtqanmyn, biz eshkimdi jappaı tekserip jatpaımyz. Jeke tulǵalardy, resmı ne beıresmı bolsyn jumys istep júrgenderdi úılerdi aralap, teksermeımiz. Eshteńege ýaıymdamańyzdar. Sizlerge tólendi me? Alyńyzdar, jaratyńyzdar. Tekserý bolsa da bizdi tekseredi, – dedi mınıstr.