Epıdemıologıalyq jaǵdaıdy eskere otyryp, karantındik rejımge ózgerister engizý jáne birtindep jeńildetý týraly tıisti sheshimder qabyldanady. Bul týraly premer-mınıstr Asqar Mamın habarlady. 

«20 sáýirden bastap, Nur-Sultan men Almaty qalalarynda karantındik rejım jeńildetildi. Sanıtarlyq normalardy qatań saqtaı otyryp, ekonomıkanyń birqatar salasyndaǵy kásiporyndar jumysyn bastady. Sonyń ishinde qurylys, ónerkásip jáne qyzmet kórsetý salalaryndaǵy kásiporyndar. Epıdemıologıalyq jaǵdaıdy eskere otyryp, karantındik rejımge ózgerister engizý jáne birtindep jeńildetý týraly tıisti sheshim qabyldanatyn bolady. Basqa da kásiporyndar men bıznes sýbektilerine jumysyn jalǵastyrýǵa ruqsat beriletin bolady. Mundaı jumys elimizdiń basqa da óńirlerinde júrgiziledi. Degenmen, bul sanıtarlyq-epıdemıologıalyq qaýipsizdik qatań saqtalǵan jaǵdaıda ǵana múmkin bolady. Eljan Amantaıuly (QR Densaýlyq saqtaý mınıstri Eljan Birtanov - red.), máseleni qatań baqylaýda ustańyz», - dedi Premer-Mınıstr Úkimettiń onlaın otyrysynda.