Erjan Babaqumarov qalalyq juqpaly aýrýlar jáne provızorlyq aýrýhanalardyń bas dárigerleriniń medısına qyzmetkerleri men dárigerler jumysynyń eńbek qaýipsizdigin qamtamasyz etý sharalary boıynsha esebin tyńdady.

Almaty qalasy ákiminiń orynbasary E. Babaqumarov qalanyń bas memlekettik sanıtarlyq dárigeri J. Bekshın, Qoǵamdyq densaýlyq basqarmasynyń basshysy T. Ábildaevpen birlesip, beıne-konferensıa-baılanys rejıminde juqpaly aýrýlar stasıonarlary, provızorlyq gospıtáldar jáne karantındik bólimsheler ornalasqan emhanalardyń bas dárigerlerimen jınalys ótkizdi.

Jıynda dárigerler men medısına qyzmetkerleriniń eńbek qaýipsizdigin qamtamasyz etý jáne koronavırýs ınfeksıasynyń juǵýyn boldyrmaý boıynsha qabyldanǵan sharalar pysyqtaldy.

«Kezdesýdiń basty maqsaty – qazirgi jaǵdaıdy baǵamdaı otyryp, dárigerlerdiń qaýipti indetke shaldyqpaý úshin tıisti sharalardy kúsheıtý», – dep atap ótti Erjan Babaqumarov.

Qala ákiminiń orynbasary E.Babaqumarov medısına qyzmetkerlerin jeke qorǵanysh quraldarymen qamtamasyz etý, olardyń berilýi men durys taǵylýyn, sonymen birge epıdemıologıalyq normalardy saqtaýdy jiti qadaǵalaý mindetin qoıdy. Ol úshin árbir medısınalyq uıymda jaýapty qyzmetker taǵaıyndalǵan.

Infeksıalyq stasıonarlardyń ishin «taza» jáne «jumysshy» (ınfeksıa juqtyrǵandar) aımaqtaryna bólýge erekshe kóńil bólingen. Bul ádis COVID-19-dy juqtyrǵandar jáne kataraldy belgileri bar basqa naýqastarmen baılanysta bolǵan jandarmen qarym-qatynas ornatpaý úshin jasalǵan. Aýrýhanalardyń bas dárigerlerine kelýshi naýqastar legin bólýdi durys jolǵa qoıý kerektigi mindetteldi.

«Aımaqtarǵa bólý (zonalarǵa bólý) – mańyzdy másele. Fıltrlardyń jumysy, naýqastardy qabyldap, olardy tıisti bólimshelerge ornalastyrý, personaldyń jumysy, sonymen birge, «taza» jáne «jumysshy» (ınfeksıa juqtyrǵandar) aımaqtarynda kezekshi dárigerlerdiń aýysymy kezinde qaýipsizdik talaptaryn saqtaý da mańyzdy», – dep atap ótti Erjan Babaqumarov.

Sondaı-aq kadr resýrstaryn josparlaý jáne basqarý, medısınalyq rezervti jáne dárigerler brıgadalarynyń aýysymdaryn daıyndaý boıynsha jumysty kúsheıtý tapsyryldy.

Budan ózge koronavırýsqa qarsy is-qımylǵa jumyldyrylǵan dárigerler men medısınalyq qyzmetkerlerge tólemderdi júzege asyrýdyń ashyqtyǵyn qamtamasyz etý tapsyryldy. Búginde Almatyda qarjylyq qoldaýdy uıymdastyrý boıynsha komısıa jumys isteıdi. Táýekel tobyndaǵylarǵa tólenetin ústemaqyny komısıa sheshedi. Aıta ketý kerek, komısıa quramyna Nur Otan partıasynyń ókilderi, Qoǵamdyq keńestiń músheleri de kiredi.

Qalanyń bas memlekettik sanıtarlyq dárigeri Jandarbek Bekshınniń aıtýynsha, barlyq medısınalyq uıymdarda ınfeksıalyq baqylaýdy saqtaýǵa jaýapty gospıtáldyq epıdemıologtar jumys isteıdi. J. Bekshın bas dárigerlerdiń nazaryn mekeme aýmaǵynda betperde taǵý rejımin qatań saqtaý qajettigine aýdardy.

Jıyn barysynda koronavırýstyq ınfeksıanyń taralýyna qarsy is-qımyl jáne qaýipsizdik sharalaryn qamtamasyz etý boıynsha medısınalyq uıymdardyń bas dárigerleriniń esepteri tyńdaldy.

Bul rette №7 klınıkalyq aýrýhananyń bas dárigeri M. Ramazanov, №11 emhanadan M. Júnisova, Ortalyq qalalyq klınıkalyq aýrýhanadan M. Abdýllaev, klınıkalyq jáne juqpaly aýrýlar aýrýhanasynan A. Abdrahmanova, №1 kópsalaly medısınalyq ortalyqtan J. Sápıev, №3 kópsalaly medısınalyq ortalyqtan E. Qalıev, №32 emhanadan A. Qajybaev, №12 emhanadag R. Súleımenov, jedel medısınalyq járdem stansasynan A. Ámenov, sondaı-aq qalalyq balalar klınıkalyq juqpaly aýrýlar aýrýhanasy bas dárigeriniń m.a. J. Eshibekova baıandama jasady.