Soltústik Koreıa basshy Kım Chen Ynnyń densaýlyǵyna baılanysty el bıligin qaryndasy Kım Ó Chen alýy múmkin. Bul týraly Qamshy tilshisi The Express basylymyna sholý jasap habarlaıdy. 

Soltústik Koreıanyń dıktatory Kım Chen Yn júregine ota jasatqannan keıin aýrýhanada álsiz kúıde jatqany álemdik BAQ betterinde jarysa habarlanǵanyn jazǵan bolatynbyz. Bul Soltústik Koreıany endi kim basqarady degen suraq týǵyzýda.

Ońtústik Koreıadaǵy Sedjong ınstıtýtynyń sarapshysy Chong Song-CHangtyń oıynsha, Kım densaýlyǵy kúrt nasharlasa, elde kóterilistiń bolýy ekitalaı.

Chongtyń aıtýynsha, Kımniń qaryndasy Kım Ó Chen Soltústik Koreıa úkimetinde aıtarlyqtaı yqpalǵa ıe.

Sondaı-aq sarapshy Phenán Kım otbasy músheleri arqyly basqarylatynyn aıtty.

Kım Chen Yn buryn medısınalyq kómekke júgingen kezde onyń memlekettik mindetterin qaryndasy moınyna alǵan, ásirese, 2014 jyldyń qazanynda solaı jasalǵan.

Ol ótken jyldyń sáýirinde polıtbúrodan shyǵarylǵan, biraq osy aıda qaıta qabyldanǵan.

Eger aǵasynyń jaǵdaıy aýyr bolyp jatsa, bılikti Kım Ó Chen qabyldaýy múmkin degen joramal aıtylýda.