Ulybrıtanıa densaýlyq saqtaý mınıstri Mett Henkok "Birikken Koróldik beısenbide koronavırýsqa qarsy vaksınany synaqtan ótkizedi" dep málimdedi. Onyń aıtýynsha, úkimettiń aýrýmen kúresý strategıasy sátti bolǵan. Bul týraly Qamshy tilshisi Bloomberg basylymyna silteme jasap habarlaıdy. 

– Bolashaqta koronavırýsty jeńýdiń eń jaqsy ádisi – vaksına jasap shyǵarý. Birikken Koróldik búkilálemdik kúsh-jigerdiń alǵy shebinde keledi. Biz vaksınany izdestirý úshin basqa elderge qaraǵanda kóbirek aqsha bóldik jáne búkil álem boıynsha jetekshi eki vaksınany zertteý bizdiń elde jasalýda, – dedi Hankok úkimettiń kúndelikti baspasóz konferensıasynda.

Synaqtar Oksford ýnıversıtetinde zerttelgen dárilermen jasalady. Hankok úkimettiń zertteý jumysyn qoldaýǵa 20 mıllıon fýnt (25 mıllıon dollar) bóletinin aıtty.

– Qalypty ýaqytta bul kezeńge jetý úshin birneshe jyldar qajet edi, – dedi ol.

Taǵy 20,5 mıllıon fýnt London Imperatorlyq Kolejindegi jeke jobaǵa ketetin kórinedi.