Aqmola oblysy Stepnogorsk qalasynda sarbaz atylyp óldi. Bul týraly Ulttyq ulannyń baspasóz qyzmeti habarlady.
"22 sáýirde saǵat 7:30 shamasynda № 3517 áskerı bóliminde (Stepnogorsk qalasy) merzimdi áskerı qyzmettegi qatardaǵy B.A. Rashev esimdi sarbaz túzetý mekemesinde qaraýylda bolǵan. Onda ol ózine qarýmen oq atqan. Oq basyna tıip, sarbaz alǵan jaraqatynan qaıtys boldy" delingen habarlamada.
Bul is Aqmola garnızony boıynsha áskerı prokýratýraǵa berildi.
"QR Ulttyq ulan bas qolbasshysynyń buıryǵymen oqıǵanyń mán-jaıyn anyqtaý úshin qyzmettik tekseris bastaldy. "Ortalyq" óńirlik qolbasshylyǵy oqıǵa ornyna arnaıy top jiberdi. Qyzmettik tekseristiń qorytyndysy jarıalanady" dep habarlady Ulttyq ulannyń baspasóz qyzmeti.
Pikir qaldyrý