Vırýsolog jyldyń aıaǵynda bolýy múmkin koronavırýstyń ekinshi tolqyny álemge budan da zor zardap ákelýi múmkindigin eskertti. Bul týraly Qamshy tilshisi Vashıngton Postqa silteme jasap habarlaıdy. 

AQSH-tyń aýrýlardy baqylaý jáne aldyn alý ortalyqtarynyń (CDC) dırektory Robert Redfıldyń Vashıngton Postqa aıtýy boıynsha, kelesi qysta koronavırýstyń qaıta tirilýi maýsymdyq tumaýǵa sáıkes kelýi múmkin. Olaı bolatyn bolsa, densaýlyq saqtaý qyzmetterine túsetin aýyrtpalyq qazirgi jaǵdaıdan áldeqaıda aýqymdy bolady.

– Eger maýsymdyq tumaý men Kovıd-19 bir mezgilde bolsa, "densaýlyq qyzmetterine shynymen de, óte, óte, óte qıyn bolýy múmkin, – deıdi ol.

Amerıkalyq medısınalyq asosıasıanyń prezıdenti doktor Patrık Harrıs CNN-ge bergen suhbatynda doktor Redfıldtiń pikirlerin qostady.

Ol aqparattyq agenttikke "Eger bul vırýs basqa vırýstar sıaqty bolsa, kúzde qaıtalanýy múmkin" dedi.